പുറം കടലും കല്ലായിപ്പുഴയും
പുകനൂലുകള് കുപ്പായം തുന്നുന്ന
വയനാട്ടില് നിന്നും
ഒരു മഞ്ഞുകാലത്താണ്
സോളമന്റെ ഗീതങ്ങളുമായി
അവള് വന്നത്
പലയിടങ്ങളോടും പടവെട്ടി
അവള് ഉണ്ണിയാര്ച്ചയായി
എന്നാല്
സാമൂതിരിമാരുടെ നാട്ടില്
പുറം കടലുകള് അവളെ വലവീശി
വറ്റല് മുളകിന്റെ മണമുള്ള നട്ടുച്ചകള്
അവളെ പങ്കിട്ടു
അന്ന് കിടന്ന കിടപ്പാണ്
കല്ലായിപ്പുഴ.
No comments:
Post a Comment