ബി-ഫ്‌ളാറ്റ്, ഡോണ മയൂര,ഭാഷാപോഷിണി

ഒരു മരം വനമാകുന്നതുവരെയുള്ള
കാത്തിരിപ്പിനൊടുവിൽ

എന്റെ പ്രണയമേ എന്റെ പ്രണയമേ...
എന്ന വിളികേൾക്കുന്നു.
അവയ്ക്കൊപ്പം പിളർന്നു പോയൊരു
റുമാൻ പഴത്തിന്റെ അല്ലികൾ
ബി-ഫ്‌ളാറ്റ്* പോലെയുള്ളിൽ നിരന്നിരിക്കുന്നു

ബീഥോവന്റെ നാലാം സിം‌ഫണിക്കിപ്പം
നിന്റെ മാത്രം പേരതിൽ തെളിയുന്നു
നിന്റെ മാത്രമെന്നതു മൊഴിയുന്നു!

പറയാതെയുള്ളിലൊളിപ്പുച്ചിരുന്ന പ്രണയം
ഘനീഭവിച്ചു മഞ്ഞായി പൊഴിയുന്നു
അൽ‌‌പ്പാൽ‌പമായ് ആകാശമിടിഞ്ഞു
വിഴുന്നെന്നതു കാണെക്കണെ നീ മൊഴിയുന്നു!

ആകാശാത്തെ താങ്ങി നിർത്തുന്ന മരങ്ങളിലൊന്നിൽ
ശിശിരത്തിന്റെ കയ്യെത്താ ചില്ലുമേലുള്ളൊരില
പ്രക്ഷുബ്ധമായൊരു പ്രണയത്തിലേക്ക്
പൊടുന്നനെ വീണുപോകുന്നു.

* a musical chord