Thursday, January 25, 2007

പൊടി -പി രാമന്‍

കുറ്റിയറ്റ മനസ്സിന്റെ തേഞ്ഞ വിരലെല്ലുകള്‍
എഴുതിത്തയ്യാറാക്കുന്നു,
മനസ്സില്‍ വച്ച് മൂടോടെ പറിഞ്ഞു പോയ ജീവിവര്‍ഗങ്ങളുടെ നീണ്ട പട്ടിക.

ഒരാള്‍ അകത്തു കടന്ന്
അട്ടിയിട്ടുവച്ചതില്‍ നിന്നോരോന്നോരോന്നെടുത്ത് വീശിക്കുടഞ്ഞു.
പൊടിപടലം തേട്ടിവന്നു.
അതൊന്നടങ്ങീട്ട് നമുക്കകത്തു കടക്കാം.

മൂര്‍ച്ചയേറിയ പൊടി രാകിത്തീര്‍ത്ത ശില്പങ്ങള്‍ക്കു പിന്നില്‍
പതുങ്ങുന്നു ജീവജാലങ്ങള്‍
മൂര്‍ച്ചയേറിയ പൊടി അറുത്തിട്ട കാട്ടിന്‍ നടുവില്‍
മുക്രയിട്ടു നില്‍ക്കുന്നു സ്ഥലകാലങ്ങള്‍

ലോകം വിശാലമാക്കണമെന്ന് ഞാന്‍ ആഗ്രഹിച്ചു.
പൊടിമാത്രമായിരുന്നു തടസ്സം.

No comments: