അളന്നു കിട്ടുന്നത്
Labels:
ഒട്ടിച്ച നോട്ട്,
സെബാസ്റ്റ്യന്
അളന്നു മുറിച്ചു ജീവിച്ചു
മരിച്ചപ്പോള്
അളന്നു കിട്ടി
ആറടി.
പരലോകമായി
നരകമാണ് കിട്ടിയത്!
അഗ്നിയാണെങ്കിലും എത്ര സ്വാതന്ത്ര്യം
അളവില്ല
തൂക്കമില്ല
ചിട്ടകളൊന്നുമില്ല
എവിടെയും പോകാം
നരകത്താണ്ട്
നൂറ് ചെല്ലുമ്പോള്
സ്വര്ഗത്തിലേക്ക് സ്ഥലം മാറ്റം.
ഞാന് പോകില്ല
അവിടം ഭൂമിപോലെ
പ്രശ്നസങ്കീര്ണ്ണമെന്നു കേള്ക്കുന്നു
അളന്നു മുറിച്ചു ജീവിക്കണം
അവസാനം കിട്ടുന്നതോ
അളന്ന്
ആറടി.
