തുറസ്സ് - വി.ആര്.സന്തോഷ്
Labels:
ഭാഷാപോഷിണി,
വി.ആര്.സന്തോഷ്
മരങ്ങള് പറഞ്ഞു
തടിമില്ലുകള് എന്നെ കാത്തിരിക്കുന്നുഎനിക്കു പോകണം.
ഡിസ്റ്റില്ലറികള് നിറയ്ക്കാന് നേരമായി, നദികള് പറഞ്ഞു.
അകലെ എന്നെക്കാത്ത് ആശുപത്രികളുടെയും
സ്വാശ്രയകോളേജുകളുടെയും പണി നടക്കുകയാണ്.
താഴ്വരകള് പറഞ്ഞു.
മനസ്സുമാഞ്ഞു പോയിടത്തേയ്ക്ക് ഞാന് പോകട്ടെ
ഇടവഴികള് പറഞ്ഞു
എനിക്കു പുതിയ ഹൈവേ വരെ പോകണം.
ചെറുജീവികളും പക്ഷികളും പറഞ്ഞു,
ഡിസ്ക്കവറി ചാനലില് ഞങ്ങള്ക്കുള്ള നേരമായി.
അങ്ങനെ ഓരോന്ന് അതാതിന്റെ ഇടങ്ങളിലേയ്ക്കു പോയ്.
