അക്ഷരത്തെറ്റുള്ള തെറികള് - കുഴൂര്
Labels:
30 നവകവിതകള്,
കുഴൂര് വിത്സണ്
ആരാണ് എഴുതുന്നതെന്നറിഞ്ഞു കൂടാ, എപ്പോഴാണ് എഴുതുന്നതെന്നറിഞ്ഞുകൂടാ
സിനിമാപോസ്റ്ററുകള് സമയാസമയം മാറുന്നതുപോലെ
മൂത്രപ്പുരയുടെ ചുമരുകളില് അക്ഷരത്തെറ്റുള്ള തെറികള് വന്നു.
പായലും കരിക്കട്ടയും ചെങ്കല്ലും ചേര്ന്നെഴുതിയത്
ചിലപ്പോള് ഇങ്ങനെയെല്ലാമായിരുന്നു
ഇവിടെ കാറ്റിനു സുഗന്ധം. രാജീവ്+സിന്ധു.
ച്ചോട്ടപ്പന് ബാലന് ഒരു.....കൊക്കിദേവകിയുടെ.........
ഹൃദയത്തിന്റെ നടുവിലൂടെ ഒരു അമ്പ് കടന്നുപോകുന്ന ചിത്രം
രാജന് മാഷും ഭാനുടീച്ചറും തമ്മില് പ്രേമത്തിലാണളിയാ തുടങ്ങിയ പാട്ടുകള്
കിട്ടിയ തല്ലുകള്ക്കും ഇമ്പോസിഷനുകള്ക്കും
പകരം വീട്ടലായി ചുമരുകള് നിറഞ്ഞു.
തീട്ടത്തിന്റെയും മൂത്രത്തിന്റെയും ഗന്ധങ്ങള്ക്കിടയിലും
പ്രണയം പായലുകള്ക്കിടയില് പൂത്തു.
പെണ്കുട്ടികളുടെ മൂത്രപ്പുര ക്ഷേത്രം പോലെ നിലകൊണ്ടു.
