ഉപ്പ് - സര്ജു
Labels:
ദൈവം കൈ കഴുകുന്ന കടല്,
സര്ജു
ഉലകെല്ലാം നാറും വായ തുറന്നു ഞാനുറങ്ങുമ്പോള്
ഇടത്തോട്ടും വലത്തോട്ടും കഴുത്തു ചാഞ്ഞൊടിയുന്നു
മൂടി പൊട്ടും ഓടയാകാം, തുരങ്കത്തിന് മുഖപ്പാകാം.
ഉള്ളില് നിന്നുമൊലിക്കുന്നു, ചിരകാലം ചിറ കെട്ടി
നിന്ന പോലെ, തൊണ്ടു ചീയും കായലോരം പോലെ.
അഴുക്കഴുക്കി ഞാനെന്റെ അടുക്കളയ്ക്കു തീയെടുക്കും
കിനാവിലൊരാള് ചിരിക്കുന്നു.
ഉത്സവപ്പറമ്പില് പണ്ട് ബാലേ കണ്ടുറങ്ങിയ രാവില്
കല്ലുപ്പു തീറ്റിച്ച ചങ്ങാതി.
