ചിതല്‍
Labels:
കവിത,
പച്ചക്കുതിര,
ബിന്ദു ചാഴൂര്‍
വിരലുകളാല്‍
എനിക്ക് ചെയ്യാനാകാത്തതാണ്
ശരീരം കൊണ്ട്
നീ ചെയ്തു മുഴുമിപ്പിച്ചത്.
ജന്മം മുഴുവന്‍
നീയെഴുതിക്കൊണ്ടേയിരുന്നു.
വളഞ്ഞും പുളഞ്ഞും
സാദ്ധ്യമായ എല്ലാ കാന്‍‌വാസിലും.
നീ പ്രണയിക്കുന്നതിങ്ങനെയാണോ?
പതിയെ പതിയെ പടര്‍ന്നു പടര്‍ന്ന്
ഓരോ ഇഞ്ചിനെയുമാശ്ലേഷിക്കുന്ന
ഈ മണ്‍ ഞെരമ്പിനാല്‍?
ഒരക്ഷരവും നീ നിര്‍മ്മിച്ചില്ല.
എന്നിട്ടും
വായിക്കാനാവുന്നുണ്ടെനിക്ക്,
നീ പരത്തിയെഴുതിയ
ഈ മണ്‍ലിപികള്‍.
7 comments:
നന്നായിട്ടുണ്ട്....:)
നല്ല വരികള്‍
നല്ല കവിത..ഇഷ്ടമായി....
ശരിയായ സത്യം. ഒരിക്കലും മായാത്ത അക്ഷരങ്ങള്‍.:)
കൊള്ളാം കൊള്ളാം..
ആ മണ്‍ലിപികള്‍ ഇനി ചിതലരിയ്ക്കുമോ..
Word verification onnu maatishtaa
എനിക്കീ ചിതലിനെ ഇഷ്ടപെട്ടു !
Post a Comment